Գաղափարի հիմքում դրված էր փռված խորանարդիկը՝ իր վեց կողմերով: Առաջին հայացքից սպիտակ ոչինչ չասող խորանարդիկ, բայց…Սովորողները սկսեցին ներկայանալ, հետևեց հանձնարարությունը՝ մեկ կողմի վրա՝ ուր հստակ երևում էին բաժանարար գծերը. պատկերիր քեզ: Հաջորդ օրը, երբ խոսում էինք մայրիկների մասին, պատկերվելու հերթը նրանց էլ հասավ, դե իհարկե հայրիկներ, քույր, եղբայր, տատիկ ու պապիկ, նույնիսկ ընտանի կենդանիներին չմոռացան: Վեց օր և ահա մի հրաշալի փաթեթ ստացվեց, նկարելը օգնեց ավելի անկաշկանդ պատմել, նկարագրել: Կային աշխատանքներ, որոնք ամփոփվում էին իրենց տունը պատկերելով: Ընտանիքների մասին պատկերացում փոխանցող մի հրաշալի մեթոդ ստացվեց: Աշխատանքի ավարտին փռված խորանարդիկները սոսնձեցինք և ամբողջացրինք: Հեղինակները ոգևորված էին, տեսնել էր պետք, թե ինչ խնամքով էին ցուցադրում իրենց աշխատանքները: Օրվա ավարտին իրենց հեղինակած և ավարտին հասցրած աշխատանքներով ուղևորվեցին տուն, իրենց պատումները տանը շարունակելու ցանկությամբ:
Սպասեք մեր մյուս նախաձեռնություններին
About tateviktamazyan
Ողջո~ւյն, 2009 թվականին ծնված 6 տարեկաններ, ես Տաթև Թամազյանն եմ, 2000 թվականից աշխատում եմ «Մխիթար Սեբաստացի» կրթահամալիրում:
Այս տարիների ընթացքում հասցրել եմ աշխատել կրթահամալիրի գրեթե բոլոր օղակներում՝ կրտսեր դպրոցներից մինչ միջին դպրոց, դասավանդել եմ քոլեջում, դիպլոմային աշխատանքների ղեկավար եմ եղել, նախակրթարանների հանրապետական ծրագրով հանդես եմ եկել որպես վերապատրաստող:
Աշխատանքը կրթահամալիրում ընդմիջվել է միայն երկու բալիկներիս ծնունդներով: Մեծ տղաս՝ Սարգիսը, սովորում է կրթահամալիրի Միջին դպրոցում, կրտսեր որդիս՝ Նարեկը, Նոր դպրոցի նախակրթարանի սան է:
Առաջին կրթությունը ստացելեմ Փ. Թերլեմեզյանի անվան ուսումնարանում՝ նկարիչ- ձևավորողի որակավորմամբ, ապա մանկավարժական կրթությունը շարունակել «Տարրական կրթության մանկավարժություն և մեթոդիկա» մասնագիտությամբ:
Որպես նկարիչ կրթահամալիրում և կրթահամալիրից դուրս մասնակցել եմ տարբեր նախագծերի, ցուցահանդեսների: Աշխատանքի մի փուլում կրտսեր դպրոցում զբաղվել եմ նաև երկարացված օրվա ծրագրով, եղել եմ կազմակերպիչ: Աշխատելով այսքան տարբեր օղակներում՝ երբեք չեմ կենտրոնացել աշխատավայրի վրա՝ կարևորելով կատարվածի որակը:
Կրտսեր առաջին դասարան վերցնելու գաղափարն իմն է, որը ծնվել է նոր հետաքրքրություններ փնտրելու, ինքս ինձ վրա աշխատելու անվերջ ցանկությամբ:
Անկեղծ շնորհակալությունս կրթահամալիրի տնօրենին՝ որոշումս ողջունելու և այն բեկումնային համարելու համար:
Հարգելի ծնող, կարծում եմ՝ Ձեր վստահությունը և գործընկերներիս բարյացկամությունը ինձ կօգնեն 2015-ի բեկումին՝ սեպտեմբերին որպես գործընկերներ միասին սկսելու:
«Դպիր» էլեկտրոնային մանկավաժական հանդեսում իմ հրապարակումնրից՝ Նոր միջավայր
Սիրով՝ 2015թ. «Մխիթար Սեբաստացի» կրթահամալիրի Նոր դպրոցի առաջին դասարանի դասվար՝ Տաթև Թամազյան, 094.63.66.79
Բարի գալուստ ‹‹Մխիթար Սեբաստացի›› կրթահամալիր. Նոր դպրոց-պարտեզի 1-ին դասարանի ուսումնական բլոգ 